10
پشاور( اباسین خبر)شمالی وزیرستان میں ٹاور گرنے کے باعث ضلع بھر اور ٹانک کے کچھ علاقوں میں بجلی کی سپلائی نویں روز بھی منقطع ہے۔ اس کے علاوہ جنوبی وزیرستان اپر کے بالائی علاقوں کانی گرم، آرمی بریگیڈ، سام، لدھا اور مکین کی بجلی بھی بند ہے۔ٹیسکو حکام کے مطابق 9 روز قبل بکا خیل کے پہاڑی علاقے میں تیز ہواں کے باعث 3 ٹاورز ٹوٹ گئے تھے، جس سے بجلی کی سپلائی متاثر ہوئی۔ بالائی علاقوں کو رزمک گرڈ اسٹیشن سے بجلی فراہم کی جا رہی ہے۔ حکام کا کہنا ہے کہ دشوار علاقے میں واقع ہونے کی وجہ سے ٹاور کی مرمت میں مزید وقت لگ سکتا ہے۔
