خواتین ججز کا عدالتی نظام میں شفافیت اور انصاف کے فروغ میں کلیدی کردار ہے:چیف جسٹس

اسلام آباد( اباسین خبر)چیف جسٹس پاکستان یحیی آفریدی نے خواتین ججز کے عالمی دن پر اپنے پیغام میں کہا ہے کہ انصاف کی فراہمی میں خواتین ججز کا کردار قابل ستائش ہے۔ انہوں نے پاکستان میں عدلیہ میں خواتین کی بڑھتی ہوئی نمائندگی کو خوش آئند قرار دیتے ہوئے کہا کہ خواتین ججز کی خدمات کو تسلیم کرنا ہمارا فرض ہے۔چیف جسٹس نے صنفی مساوات اور عدلیہ میں خواتین کی شمولیت کو ایک مثبت پیش رفت قرار دیتے ہوئے کہا کہ خواتین ججز کا عدالتی نظام میں شفافیت اور انصاف کے فروغ میں کلیدی کردار ہے۔ انہوں نے یہ بھی کہا کہ خواتین وکلا اور ججز کے لئے مزید سازگار ماحول فراہم کرنے کی کوشش کریں گے تاکہ انصاف تک رسائی کو حقیقت بنایا جا سکے۔ان کا کہنا تھا کہ خواتین ججز کی ثابت قدمی اور دیانت داری آنے والی نسلوں کے لئے مشعلِ راہ ہے اور اس راستے پر کام جاری رکھیں گے۔