مختلف شہروں میں آپریشنز میں 10 دہشتگرد گرفتارکیے:  سی ٹی ڈی تر جمان

لاہور( اباسین خبر) سی ٹی ڈی پنجاب نے مختلف شہروں میں انٹیلی جنس بیسڈ آپریشنز کے دوران 10 دہشت گردوں کو گرفتار کر لیا۔ترجمان سی ٹی ڈی کے مطابق، دہشت گردی کے خدشات کے پیش نظر پنجاب کے مختلف شہروں میں 73 انٹیلی جنس بیسڈ آپریشنز کیے گئے، جن کے دوران 10 دہشت گردوں کو گرفتار کیا گیا۔سی ٹی ڈی ترجمان نے بتایا کہ یہ کارروائیاں راولپنڈی، ٹوبہ ٹیک سنگھ، خوشاب، بہاولنگر، رحیم یار خان، راجن پور، بھکر اور جہلم میں کی گئیں۔ خوشاب اور جہلم سے ٹی ٹی پی کے دو خطرناک دہشت گرد بارودی مواد سمیت گرفتار ہوئے۔حکام کے مطابق دہشت گردوں سے دھماکہ خیز مواد، ایک آئی ای ڈی بم، 19 ڈیٹونیٹرز، 35 فٹ حفاظتی فیوز تار، پمفلٹ، نقدی اور موبائل فون برآمد ہوئے۔ دہشت گردوں کی شناخت ریاض، شفیق، رشید، جاوید، ظہیر، ظہیر الدین، حفیظ، وزیر، آصف اور وحید کے ناموں سے ہوئی۔