شریف اللّٰہ کی گرفتاری کا کریڈٹ پاکستان کو جاتا ہے، ٹیمی بروس

واشنگٹن( مانیٹرنگ ڈیسک)امریکی محکمہ خارجہ کی ترجمان ٹیمی بروس نے کہا ہے کہ شریف اللہ کی گرفتاری کا کریڈٹ پاکستان کو جاتا ہے۔پریس کانفرنس کے دوران ٹیمی بروس نے کہا کہ داعش کے رکن کی گرفتاری پر امریکا نے پاکستان سے اظہارِ تشکر کیا ہے۔ انہوں نے مزید کہا کہ شریف اللہ کے کیس سے متعلق معلومات محکمہ انصاف کو فراہم کر دی گئی ہیں۔ٹیمی بروس نے اس بات پر زور دیا کہ دہشت گردی کے خلاف پاکستان اور امریکا کے مشترکہ مفادات ہیں اور دونوں ممالک کا باہمی تعاون اہمیت کا حامل ہے۔انہوں نے یہ بھی کہا کہ امریکا روس اور یوکرین کی جنگ کے خاتمے کی کوشش کر رہا ہے، اور صدر ٹرمپ کی قیادت میں امریکا پہلے سے زیادہ مضبوط اور خوشحال ہو گا۔