ضم اضلاع کے فنڈز پر وفاق کی خاموشی افسو سناک ہے، بیرسٹر سیف

پشاور( اباسین خبر)مشیر اطلاعات خیبر پختون خوا بیرسٹر سیف نے پشاور میں میڈیا سے گفتگو کرتے ہوئے کہا ہے کہ وزیر اعلی علی امین گنڈاپور کے ضم اضلاع سے متعلق خط پر وفاق نے مکمل خاموشی اختیار کر رکھی ہے۔ انہوں نے کہا کہ خط میں مطالبہ کیا گیا تھا کہ ضم اضلاع کے فنڈز خیبر پختون خوا کو منتقل کیے جائیں کیونکہ انضمام کے بعد یہ اضلاع صوبے کا حصہ بن چکے ہیں۔ بیرسٹر سیف کا کہنا تھا کہ فنڈز کی عدم منتقلی آئین اور قانون کی کھلی خلاف ورزی ہے، وفاق نے ضم اضلاع کی ترقی میں کے پی کا ساتھ دینے کے بجائے فنڈز روک دیے ہیں، جبکہ دہشت گردی کی روک تھام کے لیے ان علاقوں کو معاشی طور پر مستحکم کرنا ناگزیر ہے۔