13
لاہور( سپورٹس ڈیسک)پاکستان سپر لیگ (پی ایس ایل) کے 10ویں ایڈیشن کا آغاز 11 اپریل کو دفاعی چیمپئن اسلام آباد یونائیٹڈ اور لاہور قلندرز کے درمیان میچ سے ہوگا، اور اس سے قبل شائقین کرکٹ نے اپنی پسندیدہ فرنچائزز کی کٹس کا انتخاب شروع کردیا ہے۔رواں سیزن کیلئے کراچی کنگز، لاہور قلندرز اور کوئٹہ گلیڈی ایٹرز نے اپنی نئی کٹس متعارف کرائی ہیں، جنہیں مداحوں کی جانب سے بھرپور پذیرائی مل رہی ہے۔ شائقین کا جوش و خروش عروج پر پہنچ چکا ہے، اور وہ اپنے پسندیدہ ٹیموں کی کٹس کو سراہ رہے ہیں۔اس ایڈیشن میں پی ایس ایل کی کمنٹری میں اردو کا اضافہ اور جدید ٹیکنالوجی کا استعمال بھی متعارف کرایا گیا ہے، جس سے امپائرز کو فیصلہ کرنے میں مزید مدد ملے گی۔
