ماری انرجیز نے وزیرستان بلاک میں تیل و گیس کا نیا ذخیرہ دریافت کر لیا

پشاور( کامرس ڈیسک)ماری انرجیز نے وزیرستان بلاک، شمالی وزیرستان، خیبر پختونخوا میں سپنوام-1 کنویں کی لوکہارٹ فارمیشن میں تیل و گیس کا نیا ذخیرہ دریافت کیا ہے۔ماری انرجیز کے مطابق، سپنوام-1 کنویں میں 64/64″ قطر کی گیس پائپ لائن اور 3,264 psig کے ویل ہیڈ فلوئنگ پریشر پر 70.3 ایم ایم ایس سی ایف ڈی گیس اور 310 بی بی ایل یومیہ تیل کا بہا دیکھا گیا ہے۔ماری انرجیز اس منصوبے میں 55 فیصد حقوق کے ساتھ آپریٹر ہے، جبکہ او جی ڈی سی ایل اور اورینٹ پٹرولیم بالترتیب 35 اور 10 فیصد حقوق کے ساتھ شراکت دار ہیں۔ماری انرجیز کے مینیجنگ ڈائریکٹر اور سی ای او فہیم حیدر نے اس دریافت کو پاکستان میں تیل و گیس کے حوالے سے ایک حوصلہ افزا قدم قرار دیا ہے۔ ان کے مطابق اس دریافت سے نہ صرف پاکستان کی توانائی ضروریات میں اضافہ ہوگا بلکہ مقامی معیشت کو بھی فائدہ پہنچے گا۔ماری انرجیز کے چیئرمین نے اس کامیابی کے لیے سیکیورٹی فورسز، صوبائی و وفاقی حکومتوں، مشترکہ منصوبے کے شراکت داروں، ڈی جی پی سی اور وزارتِ پیٹرولیم کا شکریہ ادا کیا ہے۔