16
نیدرلینڈز ( مانیٹرنگ ڈیسک)نیدرلینڈز میں پاکستان کے نئے سفیر سید حیدر شاہ نے اپنے عہدے کا چارج سنبھال لیا۔ سید حیدر شاہ نیدرلینڈز میں پاکستان کے 23 ویں سفیر ہیں اور انہوں نے 1995 میں وزارتِ خارجہ میں اپنے کیریئر کا آغاز کیا۔ اس سے پہلے وہ امریکا، بھارت اور نیپال میں بھی سفارتی خدمات انجام دے چکے ہیں۔نیدرلینڈز میں جنگ سے متعلق خصوصی بات چیت کرتے ہوئے سید حیدر شاہ نے کہا کہ ہر پاکستانی اپنے ملک کا سفیر ہے اور بیرونِ ملک وہ پاکستان کا چہرہ ہیں۔ انہوں نے کہا کہ پاکستان کی ترقی و خوشحالی کے لیے ہر پاکستانی کو اپنا کردار ادا کرنا ہوگا۔سید حیدر شاہ نے اوورسیز پاکستانیوں کی حب الوطنی کی تعریف کرتے ہوئے کہا کہ پی آئی اے کی پرواز کی بحالی اور دیگر مسائل کو حل کرنے میں کوئی دقیقہ فرو گزاشت نہیں کریں گے۔
