موسمیاتی تبدیلیوں کے باعث ملک میں بارشوں میں 40 فیصد کمی، دریائے سندھ میں پانی کا بحران

کراچی ( اباسین خبر)موسمیاتی تبدیلیوں کے منفی اثرات کے باعث پاکستان میں بارشوں میں 40 فیصد تک کمی واقع ہوئی ہے، جس کے نتیجے میں دریائے سندھ میں پانی کے بحران کا 100 سالہ ریکارڈ ٹوٹ گیا ہے۔محکمہ آبپاشی کے مطابق سکھر بیراج پر پانی کی کمی 71 فیصد تک پہنچ گئی ہے، جبکہ تینوں بیراجوں پر مجموعی طور پر 65 فیصد پانی کی کمی کا سامنا ہے۔ اعداد و شمار کے مطابق، گزشتہ برس اپریل کے پہلے ہفتے میں سکھر بیراج پر پانی کی کمی 39 فیصد تھی جو اس سال 71 فیصد تک پہنچ چکی ہے، اور تینوں بیراجوں پر پانی کی کمی 37 فیصد سے بڑھ کر 65 فیصد تک جا پہنچی ہے۔