2
کرم( اباسین خبر)کرم میں ٹل پاراچنار مرکزی شاہراہ پانچ ماہ سے بند ہے، جس کے خلاف پاراچنار پریس کلب کے باہر شہریوں کا دھرنا 9 روز سے جاری ہے۔مظاہرین نے مطالبہ کیا ہے کہ حکومت مین شاہراہ کھولے اور متاثرہ خاندانوں کو امدادی پیکیج فراہم کرے۔ عمائدین نے کہا کہ آمد و رفت کے راستے کھولنے اور انہیں محفوظ بنانے تک دھرنا جاری رکھا جائے گا۔دوسری جانب لوئر کرم کے علاقے بگن میں بھی مقامی افراد کا دھرنا جاری ہے، جہاں دھرنے کے شرکا نے حکومت سے متاثرین کو امداد دینے اور بگن کو نقصان پہنچانے والوں کے خلاف کارروائی کا مطالبہ کیا ہے۔ضلعی انتظامیہ کے مطابق فائرنگ اور جھڑپوں کے واقعات کے باعث آمد و رفت کے راستے بند ہیں، تاہم عوام کو ریلیف فراہم کرنے کے لیے مختلف اقدامات کیے جا رہے ہیں۔ انتظامیہ کا کہنا ہے کہ امن معاہدے کے تحت بنکرز کی مسماری کا کام بھی جاری ہے۔
