بانی پی ٹی آئی نے پنجاب میں فیصلوں کا اختیار عالیہ حمزہ کو سونپ دیا

راولپنڈی( اباسین خبر) اڈیالہ جیل میں وکلا اور پارٹی رہنماں سے ملاقات کے دوران بانی پاکستان تحریک انصاف (پی ٹی آئی) عمران خان نے پنجاب کے امور سے متعلق اہم ہدایات دیں۔ذرائع کے مطابق، بانی پی ٹی آئی نے پنجاب میں فیصلوں کا اختیار عالیہ حمزہ کو سونپ دیا ہے۔ عالیہ حمزہ کو نہ صرف عہدیداروں کی معطلی یا ذمہ داری دینے کا اختیار دیا گیا بلکہ ان کی ذمہ داریوں سے متعلق چیئرمین پی ٹی آئی کو نوٹیفکیشن جاری کرنے کی بھی ہدایت کی گئی ہے۔مزید برآں، ذرائع نے بتایا کہ عمران خان نے خالد خورشید کی جانب سے احسان طور کی تعیناتی کی حمایت کی اور کہا کہ وہ خالد خورشید پر مکمل اعتماد رکھتے ہیں اور ان کی تعیناتی سوچ سمجھ کر کی گئی ہوگی۔آج بانی پی ٹی آئی سے چیئرمین پی ٹی آئی بیرسٹر گوہر، بیرسٹر علی ظفر اور دیگر وکلا نے ملاقات کی۔