12
لاہور ( اباسین خبر)لاہور ہائیکورٹ نے بیوہ کو جائیداد میں اس کا حصہ دینے کا حکم دے دیا۔ جسٹس خالد اسحاق نے صدیقاں بی بی کی اپیل پر فیصلہ جاری کیا، جس میں کہا گیا کہ خاتون کے مطابق شوہر کی وفات کے بعد ان کے بھائی نے جائیداد میں حصہ دینے سے انکار کر دیا تھا۔خاتون نے 2011 میں جائیداد میں حصے کے لیے ٹرائل کورٹ میں دعوی دائر کیا تھا، لیکن ٹرائل کورٹ نے 2014 میں خاتون کے دعوے کو مسترد کر دیا تھا۔ اس فیصلے کے خلاف خاتون نے لاہور ہائیکورٹ میں اپیل دائر کی تھی۔ہائیکورٹ نے ٹرائل کورٹ کا فیصلہ کالعدم قرار دیتے ہوئے حکم دیا کہ بیوہ کو جائیداد میں اس کا جائز حصہ دیا جائے۔
