چہل کا ایک لفظ، سوشل میڈیا پر نئی بحث چھڑ گئی

ممبئی( شو بز ڈیسک)بھارتی کرکٹر یوزویندر چہل ایک بار پھر خبروں میں آ گئے ہیں، تاہم اس بار وجہ ان کی کرکٹ کارکردگی نہیں بلکہ سوشل میڈیا پر ایک مختصر ردعمل بن گیا ہے۔رپورٹس کے مطابق ویب سیریز میں کام کرنے والی اداکارہ تانیا چٹرجی نے دعویٰ کیا ہے کہ چہل نے ان کی ایک پوسٹ پر صرف ایک لفظ کے ذریعے ردعمل دیا، جسے بعد ازاں انہوں نے میڈیا کے ساتھ شیئر کیا۔بظاہر معمولی نوعیت کے اس واقعے نے سوشل میڈیا پر دیکھتے ہی دیکھتے بحث کو جنم دے دیا، جہاں صارفین کی آرا منقسم دکھائی دے رہی ہیں۔کچھ افراد کا کہنا ہے کہ کسی کی تعریف کرنا ایک عام بات ہے اور اسے غیر ضروری طور پر بڑھا چڑھا کر پیش کیا جا رہا ہے، جبکہ بعض صارفین نے اسے ایک معروف کھلاڑی کے لیے غیر پیشہ ورانہ طرز عمل قرار دیا ہے۔اس واقعے کے بعد ایک بار پھر سوشل میڈیا پر شخصیات کے رویے اور عوامی توقعات کے حوالے سے بحث شروع ہو گئی ہے۔