بابر اعظم کا بڑا کارنامہ، ٹی ٹوئنٹی میں ایک سو نصف سنچریاں مکمل

کراچی( سپورٹس ڈیسک) قومی ٹیم کے مایہ ناز بلے باز بابر اعظم نے ٹی ٹوئنٹی کرکٹ میں ایک اور بڑا اعزاز اپنے نام کرتے ہوئے ایک سو نصف سنچریاں مکمل کر لیں۔پشاور زلمی کے کپتان نے یہ کارنامہ کوئٹہ گلیڈی ایٹرز کے خلاف میچ میں انجام دیا، جہاں وہ اکہتر رنز بنا کر ناقابلِ شکست رہے اور اپنی ٹیم کو آٹھ وکٹوں سے کامیابی دلانے میں اہم کردار ادا کیا۔بابر اعظم اس سے قبل بھی پاکستان سپر لیگ میں چار ہزار رنز مکمل کرنے والے پہلے کھلاڑی بن چکے ہیں، انہوں نے یہ سنگ میل ایک سو چار میچز میں عبور کیا۔دوسری جانب جنوبی افریقی کھلاڑی رائلی روسو بھی لیگ میں سو میچز مکمل کرنے والے پہلے غیر ملکی کرکٹر بنے، دونوں کھلاڑیوں کی اس کامیابی کو لیگ انتظامیہ کی جانب سے ایک ساتھ سراہا گیا۔بابر اعظم پاکستان سپر لیگ میں اسلام آباد یونائیٹڈ، کراچی کنگز اور پشاور زلمی کی نمائندگی کر چکے ہیں اور ہر ٹیم کے لیے نمایاں کارکردگی کا مظاہرہ کیا ہے۔