5
پشاور(اباسین خبر) 10 ہزار ملازمین کی برطرفی کا معاملہ، صوبائی اسمبلی میں تحریک التوا جمع کر دی گئی۔تحریک التوا ممبر صوبائی اسمبلی پاکستان پیپلز پارٹی احمد کنڈی کی جانب سے جمع کرائی گئی۔تحریک التوا کے متن کے مطابق نگران دور حکومت میں 10 ہزار سے زائد ملازمین بھرتی ہوئے، اور موجودہ صوبائی حکومت نے ان ملازمین کی برطرفی کی متنازعہ کارروائی شروع کر دی ہے۔متن میں کہا گیا ہے کہ ان ملازمین کو غیر قانونی طور پر بھرتی کرنے والے سرکاری حکام کے خلاف تاحال کوئی کارروائی نہیں کی گئی، جس پر تحفظات ظاہر کیے جا رہے ہیں اور اسے انصاف کے منافی قرار دیا جا رہا ہے۔تحریک التوا کے متن میں کہا گیا کہ اسمبلی کی معمول کی کارروائی روک کر اس مسئلے پر تفصیلی بحث کی جائے اور اس تحریک التوا کو منظور کیا جائے۔
