سٹیٹ بینک اور تمام مالیاتی ادارے یکم رمضان کو بند رہیں گے

کراچی( کامرس ڈیسک)سٹیٹ بینک آف پاکستان نے اعلان کیا ہے کہ زکو کی کٹوتی کے مقصد کے لیے تمام بینک اور مالیاتی ادارے یکم رمضان کو بند رہیں گے۔مرکزی بینک اس سلسلے میں باضابطہ نوٹیفکیشن جاری کرے گا، جس کے مطابق بینک ملازمین کو معمول کے مطابق کام کرنے اور ڈیوٹی انجام دینے کے لیے رپورٹ کرنے کی ہدایت کی جائے گی، تاہم عوامی لین دین نہیں کیا جائے گا۔واضح رہے کہ پاکستان میں رمضان المبارک کا مقدس مہینہ 2 مارچ 2025 کو شروع ہونے کا امکان ہے، اور یکم مارچ کی شام کو ماہ رمضان کا چاند نظر آنے کا امکان ہے۔سپارکو کے مطابق نیا چاند 28 فروری کو پاکستان کے معیاری وقت کے مطابق شام 5 بج کر 45 منٹ پر نکلنے کا امکان ہے۔زکو کی کٹوتی کو آسان بنانے کے لیے رمضان کے پہلے دن بینک کی تعطیل ایک دیرینہ عمل ہے جو کہ ملک کے بینکاری ضوابط کے تحت لازمی ہے۔اس برس زکو نصاب ایک لاکھ 79 ہزار 689 روپے مقرر کیا گیا ہے، نصاب سے کم رقوم پر زکو کی کٹوتی نہیں ہوگی۔ کرنٹ اکانٹ سے زکو کی کٹوتی نہیں کی جائے گی، صرف سیونگ اور دیگر اکانٹس سے زکو کی کٹوتی ہوگی۔