رواں مالی سال کے 7 ماہ کے دوران ترسیلات زر اور برآمدات میں اضافہ

اسلام آباد( کامرس ڈیسک)رواں مالی سال کے 7 ماہ جولائی سے جنوری کے دوران ترسیلات زر، برآمدات اور درآمدات میں اضافہ ریکارڈ کیا گیا ہے۔وزارت خزانہ نے ماہانہ معاشی آٹ لک رپورٹ جاری کی ہے، جس کے مطابق کرنٹ اکانٹ خسارہ سرپلس اور بیرونی سرمایہ کاری میں بھی اضافہ ہوا، جبکہ سٹیٹ بینک کے ذخائر میں اضافہ اور روپے کی قدر مستحکم رہی۔رپورٹ کے مطابق جولائی تا جنوری ترسیلات زر میں 25.2 فیصد، برآمدات میں 9.7 فیصد اور درآمدات میں 16.8 فیصد کا اضافہ ریکارڈ کیا گیا۔ اس دوران کرنٹ اکانٹ خسارہ 68 کروڑ ڈالر سے زیادہ سرپلس رہا۔سٹیٹ بینک کے ذخائر 8 ارب ڈالر سے بڑھ کر 11 ارب 20 کروڑ ڈالر سے زائد رہے، ایف بی آر کے محصولات میں جولائی تا دسمبر 26.2 فیصد کا اضافہ ہوا، جبکہ نان ٹیکس آمدنی میں 82 فیصد کا اضافہ ریکارڈ کیا گیا۔ مالی خسارے میں جولائی تا دسمبر 36.1 فیصد کی کمی آئی۔رپورٹ کے مطابق 7 ماہ میں مہنگائی کی شرح 28.7 فیصد سے کم ہو کر 6.5 فیصد پر آگئی، جبکہ جنوری 2025 میں بیرون ملک ملازمت کے لیے 63 ہزار سے زائد پاکستانی گئے۔