6 ملکوں سے مزید 67 پاکستانی ڈی پورٹ، 5 گرفتار

اسلام آباد( اباسین خبر)موریطانیہ، ملائیشیا، اور امارات سمیت 6 ملکوں سے مزید 67 پاکستانیوں کو ڈی پورٹ کر دیا گیا، جبکہ 5 پاکستانیوں کو پاکستان پہنچتے ہی گرفتار کر لیا گیا۔امیگریشن ذرائع کے مطابق، بے دخل کیے گئے 5 مسافروں کو کراچی میں انسدادِ انسانی سمگلنگ سرکل کے حوالے کر دیا گیا ہے۔موریطانیہ سے کشتی کے ذریعے یورپ سمگلنگ کے لیے جانے والے 2 نوجوان بھی بے دخل کیے گئے ہیں۔امیگریشن کے ذرائع کا کہنا ہے کہ یو اے ای سے بلیک لسٹ، منشیات سمگلنگ اور سزا یافتہ 45 پاکستانیوں کو ڈی پورٹ کیا گیا ہے۔اسی طرح، سعودی عرب میں سزا مکمل کرنے والے 9 افراد سمیت 15 پاکستانیوں کو بے دخل کر کے پاکستان بھیجا گیا ہے، جبکہ ملائیشیا سے ایک، عمان سے 2 اور قطر سے ایک پاکستانی کو ڈی پورٹ کر کے کراچی بھیجا گیا ہے۔