کرپشن کیس: پرویز الہٰی کی حاضری سے مستقل استثنیٰ کی درخواست منظور

لاہور( اباسین خبر)سابق وزیراعلی پنجاب چودھری پرویز الٰہی کو احتساب عدالت لاہور سے بڑا ریلیف مل گیا ہے۔گجرات ترقیاتی منصوبوں میں کرپشن اور کک بیکس ریفرنس پر احتساب عدالت نے پرویز الہی کو حاضری سے مستقل استثنی دے دیا۔ عدالت نے پرویز الہی کی جگہ حاضری کے لیے انوار حسین کو پلیڈر مقرر کر دیا ہے۔عدالت نے بیماری کی بنیاد پر چودھری پرویز الہی کو حاضری سے استثنی دیا۔ سابق وزیراعلی پنجاب پرویز الہی کے پلیڈر انوار حسین حاضری کے لیے پیش ہوئے، جبکہ سابق پرنسپل محمد خان بھٹی آج پیش نہ ہو سکے۔بعدازاں، احتساب عدالت نے کیس کو دیگر ملزمان کی وجہ سے انتظار میں رکھ لیا۔