4
کراچی( اباسین خبر)مصطفی عامر کے قتل کیس کے حوالے سے آئی جی سندھ اور کراچی پولیس چیف کو وزیراعلی ہاس میں طلب کر لیا گیا ہے۔آئی جی سندھ اور کراچی پولیس چیف کے علاوہ، ڈی آئی جی سی آئی اے، ایس ایس پی اے وی سی سی اور ایس ایس پی ایس آئی یو کو بھی وزیراعلی ہاس طلب کیا گیا ہے، جہاں پولیس چیف جاوید عالم اوڈھو مصطفی عامر قتل کیس سے متعلق بریفنگ دیں گے۔بریفنگ کے دوران پولیس حکام تفتیش میں حاصل ہونے والی کامیابیوں کا احوال پیش کریں گے، جبکہ گرفتار ملزمان ارمغان اور ساحر حسن کے دورانِ تفتیش کیے گئے سنسی خیز انکشافات کے بارے میں بھی حکام کو آگاہ کیا جائے گا۔پولیس حکام کے مطابق، وزیراعلی ہاس میں ہونے والی بریفنگ کے علاوہ آئندہ کے لائحہ عمل پر بھی گفتگو کی جائے گی۔
