راولپنڈی( اباسین خبر) 9 مئی کے سانحہ کے 13 مقدمات کی سماعت انسداد دہشت گردی عدالت کے جج امجد علی شاہ نے کی، جس دوران چالان کی نقول جمع نہ ہونے پر تفتیشی افسران کی سرزنش کی گئی۔آج کی سماعت میں تمام 429 ملزمان کے چالان کی نقول تقسیم کرنی تھیں، لیکن چالان کی مکمل نقول عدالت میں جمع نہ ہو سکیں۔ اس پر عدالت نے تفتیشی افسران کی سخت سرزنش کی اور آئندہ تاریخ پر چالان کی نقول پیش کرنے کا حکم دیا۔سماعت میں شیخ رشید احمد اور فیاض الحسن چوہان عدالت میں پیش ہوئے، جبکہ دیگر ملزمان کی بڑی تعداد غیر حاضر رہی اور ان کی جانب سے حاضری معافی کی درخواستیں جمع کرائی گئیں۔ مرکزی ملزمان عمر ایوب، شبلی فراز، شیریں مزاری اور علی محمد بھی پیش نہ ہوئے۔یہ مقدمات جی ایچ کیو گیٹ ون، میٹرو بس سٹیشن جلانے اور صدر کی حساس عمارت جلانے سے متعلق ہیں۔بعد ازاں، انسداد دہشت گردی عدالت کے جج امجد علی شاہ نے 9 مئی کے 13 مقدمات پر سماعت ملتوی کر دی۔
9 مئی مقدمات: چالان کی نقول جمع نہ ہونے پر تفتیشی افسران کی سرزنش
3
