صحت بخش و سادہ خوراک سے کئی طرح کے کینسر کا خطرہ کم ہو سکتا ہے، تحقیق

لندن ( ہیلتھ ڈیسک)ایک حالیہ تحقیق میں پتہ چلا ہے کہ صحت بخش اور سادہ خوراک سے موٹاپے سے منسلک کئی اقسام کے کینسر کا خطرہ کم ہو سکتا ہے۔ماہرین کے مطابق، موٹاپے کی وجہ سے 13 مختلف بیماریوں کا خطرہ بڑھ سکتا ہے، جن میں آنتوں اور جگر کا کینسر شامل ہیں۔ ایک تحقیقی ادارے کی رپورٹ کے مطابق، بحیرہ روم کی خوراک پر عمل کرنے سے ان کینسرز کے خطرے کو کم کیا جا سکتا ہے۔تحقیق سے یہ بھی سامنے آیا کہ وہ افراد جو سبزیاں، دالیں، اور صحت مند چکنائیاں جیسے زیتون کے تیل کو ترجیح دیتے ہیں، ان میں موٹاپے سے منسلک کینسر کا خطرہ 6 فیصد تک کم پایا گیا۔کنسلٹنٹ فزیشن اور ڈاکٹر فرینک کے کلینک کے سربراہ پروفیسر فرینکلن جوزف نے برطانوی میڈیا سے گفتگو کرتے ہوئے کہا کہ بحیرہ روم کی خوراک صرف کھانے کا ایک طریقہ نہیں ہے، بلکہ یہ طویل مدتی صحت کے لیے سائنسی طور پر آزمودہ طریقہ کار ہے۔