چیمپئنز ٹرافی سے باہر پاکستان آج بنگلادیش کے مدمقابل

لاہور( سپورٹس ڈیسک)چیمپئنز ٹرافی سے باہر ہونے والی پاکستانی کرکٹ ٹیم آج بنگلا دیش سے مقابلہ کرے گی۔ یہ دونوں ٹیموں کا ایونٹ میں آخری میچ ہوگا، جس میں پاکستان اور بنگلا دیش دونوں کو نیوزی لینڈ اور بھارت کے ہاتھوں شکست کا سامنا کرنا پڑا ہے۔دونوں ٹیمیں سیمی فائنل کی دوڑ سے باہر ہو چکی ہیں اور اب ایونٹ میں اپنی پہلی جیت کی تلاش میں ہیں۔ دوسری جانب، گزشتہ روز بنگلا دیش کرکٹ ٹیم نے پریکٹس نہیں کی۔ اسسٹنٹ کوچ صلاح الدین نے کہا کہ ہم نے چیمپئنز ٹرافی میں اچھا نہیں کھیلا، ماضی پر یقین نہیں رکھتے، اور ہم اس آخری میچ میں بہتر کھیلنے کی کوشش کریں گے۔صلاح الدین نے پریس کانفرنس میں مزید کہا کہ ہمارے بولرز نے گزشتہ دو میچوں میں اچھی بولنگ کی، اور چیمپئنز ٹرافی میں ہماری بولنگ بہتر رہی، تاہم بیٹنگ میں بہتری کی ضرورت تھی، خاص طور پر مڈل آرڈر بیٹنگ توقعات پر پورا نہیں اتر سکی۔دونوں ٹیموں کے درمیان میچ دوپہر 2 بجے شروع ہوگا، اور جیو سوپر ایونٹ کے تمام میچز براہ راست نشر کر رہا ہے۔