4
لندن( مانیٹرنگ ڈیسک)برطانیہ کے شاہی خاندان کے سوشل میڈیا اکانٹ @RoyalFamily پر جاری پیغام کے مطابق، بادشاہ چارلس سوم اور ملکہ کیملا نے دارجیلنگ ایکسپریس میں کھجوریں پیک کرنے کے عمل میں حصہ لیا۔رمضان کے مقدس مہینے میں روزہ افطار کرنے کے لیے روایتی طور پر سب سے پہلے کھجور کھائی جاتی ہے، اور اسی روایت کو مدنظر رکھتے ہوئے شاہ چارلس اور ملکہ کیملا نے مقامی اسپتالوں کے لیے کھجوریں پیک کیں تاکہ روزہ دار افطار کے وقت ان کھجوروں سے روزہ افطار کر سکیں۔دارجیلنگ ایکسپریس، جو ایک معروف ریستوران ہے، میں بادشاہ اور ملکہ نے رمضان المبارک کے موقع پر مسلم برادری کے ساتھ یکجہتی کا اظہار کیا۔ برطانوی شاہی خاندان کی اس سرگرمی کو عوام کی جانب سے سراہا جا رہا ہے اور اسے مختلف مذاہب کے درمیان محبت اور ہم آہنگی کو فروغ دینے کی ایک خوبصورت مثال قرار دیا جا رہا ہے۔
