عالمی و مقامی سطح پر سونا ہزاروں روپے سستا ہوگیا

کراچی(کامر س ڈیسک) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے۔ بین الاقوامی مارکیٹ میں فی اونس سونے کی قیمت 24 ڈالر کی کمی کے ساتھ 2916 ڈالر ہوگئی۔ اس کمی کے اثرات پاکستان میں بھی دیکھنے کو ملے، جہاں فی تولہ سونے کی قیمت میں 2 ہزار 400 روپے اور دس گرام سونے کی قیمت میں 2 ہزار 58 روپے کی کمی ریکارڈ کی گئی۔اس کمی کے باعث مقامی صرافہ بازاروں میں فی تولہ سونے کی قیمت 3 لاکھ 6 ہزار 300 روپے اور دس گرام سونے کی قیمت 2 لاکھ 62 ہزار 602 روپے ہوگئی۔