زرعی ٹیوب ویلوں اور 300 یونٹ تک بجلی استعمال کرنے والے صارفین کیلئے ریلیف

اسلام آباد( کامر س ڈیسک)زرعی ٹیوب ویلوں اور 300 یونٹ تک بجلی استعمال کرنے والے صارفین کے لیے ریلیف کا فیصلہ کیا گیا ہے۔ ماہانہ فیول ایڈجسٹمنٹ (ایف سی اے) میں کمی کا فائدہ اب زرعی ٹیوب ویلوں اور 300 یونٹ والے صارفین کو بھی ملے گا۔ پاور ڈویژن نے اس حوالے سے نیپرا کو خط لکھ دیا ہے۔یاد رہے کہ جون 2015 سے 300 یونٹ والے صارفین کے لیے ماہانہ ایف سی اے میں کمی کا فائدہ روک دیا گیا تھا، جبکہ دسمبر 2010 سے زرعی ٹیوب ویلوں کو ماہانہ فیول ایڈجسٹمنٹ میں کمی ختم کر دی گئی تھی۔ فیول کاسٹ میں کمی کے بعد زرعی ٹیوب ویلوں اور 300 یونٹ والے صارفین کے بلوں میں مزید کمی آئے گی، جس سے انہیں مالی طور پر فائدہ ہوگا۔